Siki saꞌan ñuu savi

8 venado mixteco

Jâ ni kukani xeen kivi ja ka tee ñayii saꞌan ñuu savi a, onde nuu ñatuu kenda koo-ka ñayii ka kaꞌan saꞌan xtila ma chi jâ ni ka yo iyo ñayii ni ka yo tee saꞌan ñuu savi, kovaa masu letra ni ka yo tee i chi ni ka yo ndaneꞌe i naxe kaa ja ka kuni i ja jin kaꞌan i ma. Sani te ni ka iyo tee ni ka yo nani frailes dominicos, tee yukan chi ni ka kejaꞌa de ni ka jatniñu de letra ka jini o vitna a ja ni ka tee de saꞌan ñuu savi ma. 

Tnuꞌu "mixteco" ma chi in tnuꞌu saꞌan nani náhuatl kúu, visi onde kuiya 1600 ma ni ka xnani ñayii ma "mixteco" saꞌan ñuu savi ma. Kovaa ka iyo kuaꞌa ñuu ka kaꞌan saꞌan ñuu savi, te sama ka xnani i saꞌan i ma in in ñuu ma. Tnaꞌa ja nani Academia de la Lengua Mixteca ma, ja kúu i in nuu ka skuaꞌa ñayii ma saꞌan ñuu savi ma, chi ka kaꞌan i ja "tuꞌun savi" ka nani ndaka saꞌan ñuu savi ma, kovaa ñayii ñuu Magdalena ma chi "saꞌan ñuu savi" ka xnani i saꞌan i ma. 


Hollenbach, Gramática del mixteco de Magdalena Peñasco.