Ñuu Nuu Nuduva ma chi ka iyo u'un ciento uni xiko uxi (570) municipio, te in municipio yukan kúu Magdalena Peñasco ma. Ñuu Magdalena Peñasco ma chi iyo i nuu coordenadas 17°14' latitud norte ji'in 97°33' longitud oeste, te 1960 metro iyo sukun ñuu ma ja kuu ndute mar ma. Nú iyo o Ndinuu ma chi ichi nuu kana kandii ma iyo ñuu Magdalena ma, carretera ja'an Yosondúa ma ya'a ichi ñuu Magdalena ma. Onde ñuu Magdalena ma te onde Nuu Nduva ma chi ciento kuun xiko ja'un (195) kilometro iyo jika.
Ñuu Magdalena ma chi ñatuu kua'a tniñu iyo, te yuxini ñuu ma kúu ja ka sa'a-ka ñayii ma, kovaa tiempu vitna-ka chi ni ka jakondee ñayii ma kua'a ja ka ndane'e i ji'in ñuu ma te ka xiko i. Kuiya 2010 ma chi uni mil ji'in uja ciento uni xiko ja'un kuun (3,778) ñayii ñuu ma kúu, sukan ká'an INEGI ma.
Magdalena ma kúu municipio ma, te ka iyo jaku-ka ñuu kuechi i, sukan nuu ja: San Isidro ma, Ignacio Zaragoza ma, Yosocahua ma, San Juan Del Río ma, Pueblo Viejo ma, Guadalupe ma, La Cumbre ma, Kabakua'a ma, Corona Xini Tii ma, Carrizal ma, Banco de Tierra ma, Mirasol ma, Chicabaya'a ma, Santa Juanita ma, Cuesta Blanca ma ji'in jaku-ka.
